Guwahati,
12 Rymphang:
Ka BJP ka la sar ia ka elekshon Municipal ha Assam ha kaba ka la jop haduh 340 ngut ki Ward bad ka la ioh bun paid ha ki 30 tylli ki municipal board bad town com mitties. Haduh mynta na ka 743 tylli ki ward la dep ban pynbna 702 tylli katba ia ka Golaghat bad Silchar pat shen kan sa mih ka resol, ong u state election commissioner ka Assam u H N Bora haba kren sha kawei na ki lad khubor.
Ka BJP ka la jop 340 ward bud pat sa ka Congress kaba la ioh 232 ward, ka AGP 39, AIUDF-8, NCP-4, BPF bad CPM mar iwei katba ki kyrtong shimet ki ioh khur haduh 77 ward. Na ka 74 tylli ki municipal board bad committies, ka BJP ka ioh 30, congress 17, AGP 2 , NCP iwei; katba ka don ka jingiakhaid hapdeng ar tylli ki party ha ki saw jaka bad ym don ba ioh bun paid ha 10 tylli ki jaka, u la ong.
Palat 73 na ka shispah na ka 14 lak ngut ki nongthep vote ki la wan ban thep vote ha ka 9 tarik mynta u bnai ban ai ia ka rai jop rai rem ki 2,900 ngut ki kyrtong. La pynlong elekshon biang ha kawei na ki jaka jong ka ward No.2 ha Hojai namarba ka la don ka jingujor da ki kyrtong.
Phi don ban ong eiei?