Shillong 13 Rymphang: Ha ka step jong ka sngi palei ka 13 tarik Rymphang 2025, kawei ka durlhih ne ka Video ba lyngkot ka ba poi tang kumba 1minit eiei ka la saphriang sted bha ha ki rynsan social media, ha kaba u wei u rangbah u ba la ai ia ka jingkren ha ryngkat ka jingdonlang u MLA u bahrit Adelbert Nongrum bad kiwei kiwei de ki riew rangbah.
Ha kane ka jingkren jong utei u rangbah u ba shong syndah bad u bahrit Adelbert u la pynpaw da ka jingbitar, da kaba ong, ba ngim don jingwit jingthud ia uno uno u riew shimet hapoh ka party, hynrei kine ki riew shimet ki thaw ia ka system, ka ba la pynlong iangi ban buh jingkylli “What is this”.
Kamut aiu kane kaei kaei ka ba phi leh, ngi thoh sha ka party ban pynbeit ia ka kynrum kynram, ba ia kaei ba ka party ka rai ngi kloi ban pdiang, hynrei ka party kadei ban smgewthuh ba ka la bakla ha ka rai jongki, u la ong.
U la ong ruh, ba ki la dep ong ia ka party, ba ka jingbakla jongki ban rai ngi kloi ban kdew ba ngi ruh ngi la bakla watla ngim don bynta ha ka Rai, haduh katta ngi la pynrit.
U tei u rangbah u la pynkut noh ia ki kyntien kren bitar da kaba ong, ba baroh ki paidbah ki kylli ba shano jah u bahrit Adelbert.
Ha ba pyrshang ban phone ia u MLA ka North Shillong konstitwensi u bah Adelbert Nongrum ban kylli bad pyntikna ha kaba iadei nad katei ka durkhih namar u ka donlang ha katei ka durkhih, hynrei um shem la shim ia ka phone.
Watla utei u rangbah um shem la pynpaw kyrteng ia kano kano ka seng sain pyrthei, u ba la kren da ka jingbitar, bad buh jingkylli, hynrei katkum ki khubor ka iathuh, ba kane kadei halor ka jingiapher jingmut, ha kaba iadei bad ka jingaitiket ia ki kyrtong ha kane ka ilekshon MDC jong ka party Voice of The People Party (VPP), namar myn ha kine ki sngi u bah Adelbert u la pynpaw ia ka jingbymsngewiahap halor ka jingaitiket MDC ia ki kyrtong, ha kaba u ba apply na Jaiaw u Mih sha Mawkhar bad u ba apply na Mawkhar u mih kyrteng sha Jaiaw.
Phi don ban ong eiei?