Washington: Ki lad khubor, ki iathuh ba ka America, ka la hiar thma pyniap, ia u heh duh ka ISIS, U Abu Bakr al-Baghdadi bad katei ka jinghiar thma, ka dei ha ki bynta ba shatei sepngi jong ka Syria, ha kaba la ther hynnin ka sngi saitjain.
La iathuh ba ia katei ka jing pynthikna, yn dang leh mynta ka sngi, kum ka DNA test bad kiwei de ki jing pynshisha shaphang utei u nongialam ba heh duh ka ISIS, ong ka CNN.
La iathuh ba U Baghdadi, u deng ha met jongu, da ki bom, kiba un pyniap hi ialade bad ha ka por ba ka hiar thma ka US, u bom, uba don ha ka met jongu, ula bthei bad ka met jongu.
Ha katei ka jingleit hiar thma jong ki shipai ka US, la trei bor bah da ka CIA ban buddien ia ka jaka sah jong utei u heh duh ka ISIS.
U President ka US, U Donald Trump, un kren paidbah halor katei ka jingjia shibit ka janmiet, ha ka por 6.30, kaba dei 9baje mynstep, ha ka por jong ka America.
Phi don ban ong eiei?