Saphriang ka video u pulit bu-aid bad pynjhieh ha jaka paidbah

Shillong, 5 Iaiong:
Ka jingring dur ne ka Video ia uwei u pulit pyniaid kali (Traffic) ka la saphriang ha ki Social Media ha kaba la iohi ba ha katei ka jingrung dur uwei u pulit pyniaid kali uba la bu-aid bad kaweh palngeng shadiang sha mon u la leit pyntjhieh pathar ha kawei ka jaka paidbah hakhmat ka sign board jong ka Top Cem. La iohi ha ka Video ba utei u pulit u don bad uwei pat u para pulit pyniaid kali jong u –uba niah ia ka thuk thuk pulit kaba lieh (Pulsar) kaba don ia ka jingthoh Police.
Hadien ba la dep pynjhieh ha katei ka jaka la iohi ha katei ka jingring dur ba utei u pulit u ieng shiphang arphang hajan ka thuk thuk ba niah u paralok jong u bad ka khaweh ka met shane shatai, sa shiphang pat la iohi ba u kiew ha ka thuk thuk bad u da pyni dak ia u paralok jong u ban iaid sha ka liang ba u kwah bad katei ka thuk thuk ka la iaid. La ithuh na katei ka jingring dur ba u nongring u la ring napoh kali ha ka por kaba kham duna kali ban iaid ha surok.