Saphred ka corona sha kylleng ka sor Shillong; 30 ngut ki high risk na East Khasi Hills kiba ioh pang

Shillong: Mynta ka sngi ki la don haduh 127 ngut kiba ioh thymmai ia u khñiang jingpang COVID-19 ha ka jylla. Na kine ki 127 ngut, ha East Khasi Hills ki don 95 ngut. Na kine ki 95 ngut iwei i dei na ka Armed forces/Para-military Forces, 30 ngut ki High Risk contact, iwei i ILI Case, 5 ngit na Barapathar Cluster, iwei na Bishnupur cluster, iwei na Bivar Road cluster, 3 ngut na Jaiaw cluster, iwei na Laban cluster, 8 ngut na Lapalang cluster, iwei na Lumawbah cluster, 4 ngut na Madanryting cluster, iwei na Mawlai iewrynghep cluster, iwei na Mawlai Kynton Massar, 2 ngut na Mawlai Mawdatbaki cluster, iwei na Mawlai Mawroh, 2 ngut na Mawlai Nonglum, 13 ngut na Mawlai Mawmihthied cluster, 7 ngut na Mawprem cluster, 6 ngut na Nongmynsong cluster, 3 ngut ki pulit, iwei na Rynjah cluster bad 2 ngut na Umpling cluster.

Ha West Garo Hills ki don 13 ngut kiba kynthup iwei i Health worker, 9 ngut ki High risk, 2 ngut kiba wanphai na shabar bad iwei na Tikrikilla cluster.

Ha Ri Bhoi District ki don 8 ngut kiba kynthup 6 ngut na ka Armed forces bad 2 ngut ki high risk contact.

Ha South Garo Hills ki don 5 ngut kiba dei ki high risk contact, ha North Garo Hills ki don 4 ngut kiba dei ki high risk contact bad ha East Jaintia Hills ki don 2 ngut kiba wanphai na shabar.

Ki la don 71 ngut kiba koit ha ka jylla. Na kine ki 71 ngut, 33 ngut ki dei na East Khasi Hills kiba kynthup 4 ngut na ka Armed forces, 12 ngut ki high risk contact, 3 ngut kiba wanphai na shabar, iwei na Keating road cluster, iwei na Laban cluster, 3 ngut na Mawprem cluster, 3 ngut na Nongmynsong cluster bad 6 ngut na Khyndailad cluster.

Ha West Garo Hills ki don 29 ngut kiba kynthuo 4 ngut na ka Armed forces, 10 ngut ki High risk contact, iwei iba wanphai na shabar, 12 ngut na Bhaitbar cluster bad 2 ngut na Brahminpara cluster.

Ha Ri Bhoi District ki don 5 ngut kiba dei baroh ki high risk contact, ha East Garo Hills ki don 2 ngut kiba kynthup iwei i high risk contact bad iwei iba wanphai na shabar bad ha South West Garo Hills ki don 2 ngut kiba kynthup iwei na ka Armed Forces bad iwei iba wanphai na shabar.