Sangoh sa ka Taliban, ia ka India, halor ka jingkren pynshit niam

Ka jingkynthah jong ka nongkren ka seng BJP, ia U Prophet ki Muslim, ka la pynbitar ia kiba bun ki Ri Muslim bad mynta ka la dei sa ka pali jong ki ehrang Taliban, kiba la synshar ia ka Afghanistan, ba kin ther ia ka India.

U nongkren jong ki Taliban, U Zabihullah Mujahid, ula ong “Ngi dawa na ka sorkar India, ba kam bit ban aiald ia kitei ki shitniam, ba kin pynjah burom ia ka niam bakhuid jong ka Islam bad ban pynkhie bitar ia u paid Muslim”.

Ula ong shuh shuh “Ka Islamic Emirate of Afghanistan, ka pynrem jur ia ka jingkren ia ki ktien pynjah burom ia U Prophet of Islam (Peace be upon him), da ka nongkren, kaba dei na ka seng kaba synshar ia ka Ri India”.

Kat haduh mynta, ki don 14 tylli kiba pynrem jur, halor katei ka jingkren pyrshah ia U Prophet Mohammed bad kitei ki long ka Iran, Iraq, Kuwait, Qatar, Saudi Arabia, Oman, the UAE, Jordan, Afghanistan, Pakistan, Bahrain, Maldives, Libya bad ka Indonesia.