Sangeh tur Secretariat ka CCIB

Shillong, 27 Risaw:
Ka Coordination Committee on International Boundary (CCIB) ka la sangeh ia ka jingthmu leit tur sha Secretariat kaba ka la pynbna kham mynshuwa ba kan leit tur lashai ka sngi ka 28 tarik u risaw. Katei ka jingiaid paidbah kaba lapynbeit ban mih na motphran sha Secretariat la pynsangeh noh namarba kim shym la ioh jingbit na u Deputy Commissioner ka East Khasi Hills District.
U bah Kmen Myrchiang Secretary ka CCIB u la ong ba la pynsangeh namarba ym shym la ioh jingbit na ka ophis u DC namarba kan don ka jingleh niam Diwali ki riew ngeit Hindu. U la ong ba ka CCIB kan sa pyntip ia ka tarik ban pynlong ia katei ka jingiaid paidbah sha Secretariat hadien ba ki la ioh jingbit na ki bor sorkar.