Sangeh treikam ki nongtrei ka Jowai Municipa

Jowai, 11 Nailar:
Ka jing bym ioh tulop ki nong trei jong ka Jowai Municipal, ka pynlong ia ki ban sangeh trei kam naduh mynta ka sngi. Katei ka jingsangeh  treikam, ka long naduh ki nongsar surok nong ñiah kali haduh kiba trei hapoh ophis.
Na ka liang ki nong trei jong ka Jowai Municipal Board ki la iathuh ba kim banse ban sangeh treikam naduh mynta ka sngi namar ba mynta la hyniew bnai ki khlem ioh tulop shuh. Ka jing sangeh trei kam ka jong ki mynta dang shi sngi ka Iewmusiang ka la sdang iwtung, namar ba ki  nongtrei jong ka Municipal kim treh shuh ban kit ia ñiut ki jakhlia na iewmusiang bad ruh na ki dong bapher bapher jong ka  sor Jowai. Na ka liang jong ka sorkar mynta ka sngi, ka la kular ia kiba kan siew shwa shiteng, kata ka mut naka bynta 3 bnai hynrei na kaliang ki nongtrei jong ka Jowai municipal kim pdiang ia kane ka jing tyrwa jong ka sorkar, hynrei ki dawa beit ban ioh kat kum ba ki dei ban ioh bad lada ka sorkar kam kular da ki jingthoh ban siew lut ia ka bainong ka jong ki, ki ong ba kane ka jingsangeh trekam ka jong ki kan iai bteng khlem da pud.