Sangeh trei nongbylla MeECL

Shillong,8 Risaw:
Ki nongtrei bylla sngi jong ka tnad MeECL ne ki Casual Employees hadien ba ki la pynlong ia ka jingsangeh trei kaba hynnin ka sngi, ki la dawa ia katei ka tnad ba kan ai jingtip noh ia ki lano katei ka tnad kan pynkiew ia ka tulop jong ki kaba mynta ka tnad ka siew tang T.100 ( un skilled) shisngi ia ki bym pat tip bad T.140 shisngi ia kiba tbit ( skilled). Ki nongtrei ka MeECL ki la ong ba lada ka tnad kan aijingtip lano ba kan pynkiew kin ym shim kino kino ki rai ban ia mih madan ne da kumwei pat. Ki tei ki nongtrei ki la pynlong ia ka jingsangeh trei ban pynbor ia katei ka tnad ba kan pynkiew ia ka tulop jong ki naduh u Naiwieng mynta u snem. Ki la pyntip ruh ba kin pynlong ia ka jingialang jong ki ha ka 12 tarik mynta u bnai ha Malki Basic School ha ka por 11 baje mynstep ba iamir jingmut na ka bynta kiwei kiwei pat ki kam kiba iadei bad ki Casual Employees.