Sangeh trei ki nonghikai, ka St Mary’s

Shillong, 19 Nailur:
Ki nonghikai ka St. Mary’s College ki la pynlong ia ka jingsangeh trei mynta ka sngi, da kaba shong ha phyllaw ka kolej ban pyrshah ia ka jingbym pynlait ia ka tulop.
Ka thymmei khubor ka iathuh tang kumba 50 percent ka tulop la sam sha ki nonghikai ba dei jong u bnai Nailar. La iathuh ba ka sorkar jylla kam shym la pynlait tulop sha ki nonghikai kane ka kolej hadien ba la don ka jingiahuri hura bad ka Principal jong ka kolej.
Lah ban kdew ba ka Principal jong ka St. Mary’s College, ka Sr Isabella Kyrsian ka la shah weng da ka bor na shuki kum ka Principal da ka Sr Mary Harriet, kaba kam ba la shah thung kum ka Principal ha ki bor pyniaid ka kolej kynthup ki sister.
Namar ka jingthung Principal ia ka Sr M Harriet ym shym la pdiang da ka sorkar, ka tulop jong ki nonghikai ka la shah bat ha ka sorkar.
Ka thymmei khubor na ki nonghikai ba iakhih, ka la ong ba ia ka rai la shim ha kane ka sngi Palei ban bteng ban sangeh hikai haduh ban ioh da kawei ka jingpynbna.