Sangeh shwa ia ka jingtrei surok, ong ka HNYF

Shillong:Ka HNYF Pynursla unit, ka pynpaw ia ka jingsngewsih bad jingsngewkyndit kaba khraw halor ka jingshah thombor kaba kyndit kynsan jong ki dkhot Ka seng HNYF Central Body ha Wahlyngkhat.
Halor kane ka jingjia ka seng HNYF pynursla unit ka dawa mardor ia ka company ban weng noh ia ki dkhar kiba don kti ban thombor ia ki dkhot jong ka seng.

Ka HNYF pynursla unit, ka dawa ruh ban pynsa ngeh shwa ia ka jingtrei, katba ka company kam pat lah ban weng ia ki dkhar kiba don kti ha Ka jingthombor ia ki dkhot ka seng bad lada ka company ka iaid shakhmat ban pyntrei ia ka kam khlem da weng ia kine ki dkhar kiba donkti ha kane ka kam thombor, na ka liang ka seng, kam don jingkit khlieh lada jia eiei.