Sangeh pynkit mar ia u kontraktor, uba don ia ki draibar pyniap briew ha FCI:FKJGP

Shillong: Ka Seng  FKJGP Seng Kmie, ha ka jing ia lam jong U General Secretary ka Seng u bah Dundee Cliff Khongsit, ki la leit ban ia kynduh ia ki ophisar heh jong ka FCI Regional Shillong mynta ka sngi, ha kaba na ka liang jong ka Seng ka la kyntu ia ki ophisar jong ka FCI ba kim dei ban shim sting ia kane ka jingja ia kaba u nong ap phara jong ka FCI ha Khanapara u bah Disnarlin L Lyngdoh basah ha Mawlai Mawroh u laduh ei ia la ka jingim ha ki riew thrang snam. Ka Seng ka kyntu ruh ia ka FCI ba ka dei ban shim ia ka rai ba ka dei ban pyn sangeh noh shwa ia ka jing phah kit ia ki mar ha u tei  u kontrakor, ba pyniaid ia ki trok kat kaba ym pat lah ban aiti ia ki nong ngiah trok ki jong u kiba donkti ha katei ka jingja.

Ha kawei pat ka khubor, ka KSU Mawlai Circle ka pynrem jur ia ka jing shah pyniap u Rangbah Khasi uba trei ha ka tnat Home Guard hangthie ha Mawsmai Ribhoi District ha ki nongniah trok kiba na Assam, kaba la jia ha ka miet 24tarik Iaiong 2019, ha kaba ki la shoh la bom kat haduh ba utei u Rangbah un da duh noh syndon ia la ka jing im kaba kordor ka jong u.Na ka liang ka Seng ka kyntu jur ia ka Police department ba kan thwet jur bad bad kem mardor ia kitei riew thrang snam bad ban pyn ngat ha ki kyndon pyniap briew khnang ba kum kitei ki jingjia kin ym jia shuh hadien habud ia ki para doh para snam jong ngi kiba trei ba ktah haki jaka bapher bapher jong ka Bri U Hynniewtrep.Na ka liang ka Seng ka maham ruh ia baroh ki bar jylla kiba wan ban kamai jakpoh bad wan trei wan ktah hapoh u pud u Sam jong ka Bri U Hynniewtrep, ba  ki dei ban burom ym ban wan pyni bor ia ki trai Shnong.

Katkum ka jingioh jingtip jong ka Seng ba kane ka jingjia ka la jia naduh 11baje mynmiet, hynrei kaei kaba lyngngoh pat ba uwei pat u Home Guard uba iatreilang bad u ba um shym la pyntip sha ki bor jong ka aiñ ne ban ai jingiarap ia utei u rangbah tad haduh ba une u rangbah uba hapdeng ka jing mynsaw kaba jur da lade u la pyntip shala kiba ha iing hasem ban wan shaw ia u mynstep ban ialam sha jaka ai jing sumar.Kumta ka Seng ka ban jur ba dei ban weng kam shi syndon ia u Depot Incharge u bym shim la shimkhia ha ka ban iarap bad ban pynpoi ia utei u rangbah mar mar sha ka jaka ai jing sumar, ong ka  kyrwoh na u Samla MacDonald Jitem Publicity Secretary KSU Mawlai Circle.