Sangeh lum pisa, bym maramot surok thikna ka NHAI, ong ka KSU JH

Shillong: Ka Khasi Students Union Jaintia Hills District Unit ha ryngkat ki Seng jong ki Nongñiah Kali kamai bapher bapher hapoh Jaintia Hills, mynta ka sngi ki la leit ban ia kynduh ia ki ar ngut ki Deputy Commissioner jong ki ar district, kata East bad West Jaintia Hills Ditrict na ka bynta ban dawa nakitei ki bor pyniaid District ban tuklar ha ka jingiadei bad ka rukom treikam ki khyrdop lum pisa, kiba don ha Lumshnong , East Jaintia Hills bad ha 7 Mer West Jaintia Hills.

Haka kyrwoh bala phah sha kitei ki ar DC, Ka Seng ka la dawa na ki bor pyniaid District ban phah sangeh khrong pisa noh ia ki khyrdop lum khajna, na ki kali jong ki paidbah halor ka nongrim ba ka NHAI kam pat lah ban pynbiang iaki surok kiba bha, nangta wat tang u surok Four Lane ruh ym pat don, bad wat ki nala um ( side drain) ruh kim pat biang.
Ka Seng ka kyntu ruh ia ki bor pyniaid district ban pynioh ia kitei ki jingdawa ka Seng hapoh shi taiew, lym kumta na ka liang ka Seng kam banse ban leh da kawei pat ka lynti