“Sangeh ka plie maw nongrim, peit shwa iaka jing jyllei ka jingsniew”

Ka seng Trinamool Congress TMC ka East Khasi Hills district unit ka pynpaw iaka jing lyngnoh iaka jing kren u Bah Lakmen Rymbui, uba bat iaka tnad kam pohiing jong ka Sorkar MDA ba u ym don jingtip ba lah jyllei ka jing khaii droks bad kiwei kiwei ki jingdih pynbuaid iaki samla ka ka pyni ba kum uta u Myntri ym ym don ka jing bahkhlieh haka imlang-sahlang bad iaka Jylla.

Ba u Bah Lakmen Rymbui un pynpaw kita ki jing lyngoh halor ba ka tnat pulit kam tip eiei, ka pyni ba lah donkam ban pyn khlaiñ thikna bha iaka jing iaid pahara ki pulit ha ki jaka ba lah suba ban die kum kitei ki jait jingdih kiba pynma iaka jingim briew. Ka TMC ka sngewkhia ba u Myntri ka tnad un kyndit ia ka jingbym lah tehlakam ka tnad pulit ia kaba ma u don haka bor synshar. Ka jing kylli kaba long, shaei lah jah ki kali City Patrol kiba mynshwa ju iaid kylleng ka Sor Shillong hynrei sngewphylla ba shaei jah ka pisa ba lah mang ia kum kitei ki rukom pahara? Shano jah ka component lane ka bhah kaba lah don naka bynta ka “Urban Patrolling” jong ka tnat pulit kaba donkam ban pyn khlaiñ iaka bor pahara? Ka party ka pynpaw ka jing bynniaw ba ki jing sniew nang jyllei hynrei kane ka Sorkar MDA ka nang bunkam ka plie maw nongrim kylleng kylleng, haei ka Jylla kan poi lada dang iaid da kum kane ka synshar khadar ba laitlan khlem ka jing kitkhlieh bad ka jing bahkhlieh?

Hato ka Sorkar MDA ka don kata ka jingmut ban tehlakam lane ka kwah ba ka Jylla kan nang jot shuh shuh.

Sd/ Dominic S.Wankhar,

District Coordinator EKH District, AITC-Meghalaya