Sangeh ka eksamin jong ka saian masi, ba iehnoh kam u heh duh ka RKA

U heh duh ka Rashtriya Kamdhenu Aayog (RKA), U Vallabhbhai Kathiria, ula iehnoh ia ka kam jongu bad mar ia mih U Kathiria, katei ka komishon, ka la pynpep ia ka eksamin, kaba dei halor ka saian shaphang ka masi, kaba dei ban long ha ka 25tarik Rymphang 2021.

Ym shym la iathuh satia ia ka daw, jong ka jing pyn sangeh ia katei ka eksamin. U Kathiria, u pyndep ia ka por trei kam jongu, ha ka 20tarik Rymphang 2021.

U Kathiria, kum u khlieh duh jong ka komishon, ula pynmih ia bun bah ki jingkren, kiba pher, halor ka masi bad dang ha ka 5tarik Kyllalyngkot, ula ong ba ka met jong ka masi, ka dei kaba don da ka jingstad saian suda. “Lada ngi iakren ia ka $5-trillion economy, ngi don ia 19.42 crore ki masi, kiba lah ban kyntiew ia ka ioh ka kot jong ka ri. Wat lada ka masi, kam don dud ban ai, hynrei tang ka eit bad ka umjung jongka, ki dei kiba da kordor tam bad kumta ia ka ioh ka kot jong ka Ri, yn lah ban tei shakhmat”.