Sangeh ia khih ki nongtrei Malaria

Shillong, 28 Nailar:
Ka seng All Megha-laya Malaria Programmed Workers Association (AMMPWA) ka la pyn-sangeh noh shipor ia ka jingiakhih shah thgnan ka jong ki naduh hynnin ka sngi shuwa ka khatar baje, namar ba u myntri rang-bah ka jylla, u Dr Mukul Sangma u la ong ba u la tip ia ka jingeh ka jong ki bad un sa tuklar hi ia kane ka kam.
U Bah Basil Lyngdoh , ula ong ba namar ba u myntri rangbah u la tip ia kane ka jingeh ka jong ki bad u la kular ban sa shim khia hi ia kane ka kam kumba la paw, haki lad pathai khubor, kumta ka seng ka la pynsngeh noh ia kane ka jingiakhih jong ki.
Wat la kim shym la ioh da kano kano ka jingthoh na ka sorkar, hynrei sngew ba ki dei ban burom ia ka jingkren jong u myntri rangbah.
Ka seng ka pynpaw ia ka jingsngewkyndit ka jong ki ban iohsngew ba u myntri barim ba dei peit ia ka koit ka khiah u Bah AL Hek, ynda u la tip ba um long shuh u myntri hakane ka sorkar, u la phah khot ia ki, hynrei ha ka por ba u dang bat ia ka kam tang ia ki ophisar ruh u khlem phah ban ia kren.Na ka liang jong u MLA, u Raphul Marak u la wan ban jngoh ia ki, u MP ka Tura u Conrad K Sangma, ka KHNAM, KSU ,GSU bad ka TUR.
Kumba ka la paw ha ki kot khubor ia ka jingkren jong u myntri rangbah ha kaba ia dei bad ka jingeh ka jong ki, na ka liang jong ka seng ka kwah ban ioh da ka jingthoh na ka sorkar ha lane shuwa ka 9 tarik Nailur jong u bnai ban wan lada kam don kano kano ka jingthoh kim banse ban bteng biang ia kane ka jingiakhih ka jong ki ban dawa kumba la thoh da ka sorkar pdeng ha u snem 2014.