Sangeh ia ka ktem pulit Assam: HYC

Shillong,12 Nailar:
Ka HYC Raid Nongtung Circle mynta ka sngi ka la ia kynduh ia ka myntri kam pohing ka sorkar jylla ka kong Roshan Warjri ba ia kren halor ki kynrum kynram ha khappud ka Meghalaya bad Assam. Ha katei ka ijngiakynduh ka HYC ka la ai ruh sha ka myntri ia ki mat jingdawa jong ka ba ka sorkar jylla ka dei ban pynkynriah noh ia ka Mawlasnai Outpost sha Block 2, Raid Nongtung –Ri –Bhoi kaba dei ka jaka ia kajia bad ban kyntiew pat ia ka Mawlasnai sha ka Police Station. Ka la dawa ruh na ka myntri ba ka dei ban pynsangeh ia ka jingtei ka sorkar Assam ia ka ktem pulit kaba la tip kum ka Madan Umwang Assam Police Outpost/ Police Station kaba don ha Umwang. Ka la kyntu ruh ia ka myntri ba kan weng noh ia ki jingeh ha khappud namar ka jingiakajia pud bad ka Assam.