Sangah u myntri ka sorkar pdeng, ia ka sorkar Jylla, bym pyntreikam hok ia ki skhim jong ki rit paid

Shillong:U Myntri ka sorkar pdeng ba dei khmih iaka tnat rit paid lane ka tnat Minority Affairs ka sorkar pdeng u John Barla, mynta ka sngi u la wan ban hiar sha Shillong ban ia kren halor ka jingpyntrei ia ki skim kiba wan na ka sorkar pdeng.

Haba kren bad ki lad pathai khubor, u Birla u la kynnoh ba ka jylla Meghalaya ka dang duna bha, haba iadei bad ka jing pyntreikam ia ki skhim ba la wan lyngba ka sorkar pdeng.

U John Barla u la ong “Ka sorkar jylla kam pat tbit ban pyntreikam ia ki skhim sorkar pdeng na ka bynta ban ioh jing myntoi ki paidbah nong shong shnong bad kane ka wanrah jing duhnong bakhraw ia ki paidbah kiba dei ban ioh jing myntoi na kine jait skhim bapher bapher”.

Une u myntri u ba dei peit ia ka tnad Minority Affairs ka sorkar pdeng u la ong “Ka jingwan jong u sha nongbah Shillong ka dei na ka bynta ban iakren bad ki jaitbynriew rit paid haba iadei bad ki skhim sorkar pdeng bapher bapher ba ki paidbah ka jylla Meghalaya ki la ban ioh jing myntoi”.

“Ki jaitbynriew rit paid hapoh Meghalaya, ki tip tang shaphang halor ka Scholarship bad kim tip bniah halor ki skhim sorkar pdeng bad kane ka dei namar ba ka sorkar kam shim khia ban pynsngewthuh paidbah halor ki jait skhim bad kane ka pynlong ka jing duhnong bakhraw iaka sorkar” la ong u Birla.
U la bynrap ruh “Ka la donkam eh iaka sorkar jylla ban shim ki sienjam kumno ban pynsngewthuh paidbah, halor ki skhim sorkar pdeng kum shi bynta ban ai jing myntoi ia ki paidbah bad iaki rit paid hapoh ka jylla baroh kawei”.

U Birla u la ong “Ka thong jong ka sorkar pdeng lyngba ki skhim bapher bapher kadei na ka bynta ban kyntiew bad ai jing myntoi ia ki rit paidbah ha baroh kawei ka ri India bad dei namar kane ki sorkar jylla ruh kidei ban shimkhia kumno ban pynsngewthuh iala ki paidbah ban shim kabu ban ioh jing myntoi lyngba ki skhim sorkar pdeng”.
U la bynrap”Ki rit paid hapoh Meghalaya ki shim khia haba iadei ban kyntiew ia ka pule puthi bad ha ka koit ka khiah hynrei kim ioh jing myntoi na ki skhim sorkar pdeng namar kim ioh jing tip bniah halor kita bad mynta ka sngi, nga la wan sha Shillong na ka bynta ban saphriang halor ka jing myntoi ba ki paidbah ne ki rit paid ki lah ban ioh na kita ki jait skhim”.