Sangah u myntri, ba ki skhim ka sorkar India, kim treikam bha ha ka jylla

Shillong:U Union Minister u ba dei ban peit ia ka tnad Jal Shakti bad ka Tribal Affairs, u Bishweswar Tudu, u la pynpaw ia ka jing bym sngewhun ia ka jing pyntrei kam ka sorkar jylla ia ki skim bapher bapher kiba wan na ka sorkar pdeng.

U Union minister, mynta ka sngi u la wan ban hiar sha nongbah Shillong, na ka bynta ar sngi ban ban peit bniah ia ka jingpyn treikam ki skim bapher bapher kiba wan na ka sorkar pdeng.

Haba ia kren bad ki lad pathai khu bor, u Tudu u la ong ba na ka liang ki ophisar ki la shu pyni da ka presentation khlem kino kino ki kot ki sla, ha kaba kane kam shem la pynhun ia u.

“Kane ka dei ka sien kaba nyngkong ba nga la wan hiar ha ka nongbah Shillong bad ka jingwan jong nga ka long ban bishar bniah ia ka jingpyntreikam ia ki skim bapher bapher ki ba wan na ka sorkar Pdeng, hynrei kumno ngan ai ka kaiphot sha ka sorkar pdeng lada ngam ioh kano kano ka kot ka sla ba thoh ia ka kaiphot”u la ong.

Hadien ka jingialang, u Tudu u la ong ruh “Ka jingpyntrei ia ki skim kiba wan na ka sorkar pdeng ha ka jylla Meghalaya kam dei kaba la biang bad halor kane ki dei ban pynbeit noh kham kloi bad ki dei ban bud kat kum ki kyndon ba la buh “.
U Tudu u la iathuh ba lashai ka sngi un hiar hi dalade ban leit jurip ia kine ki jingpyntrei ia kine ki skim.