Sangah U Modi, ia ka Sonia, ba kam nud ialeh elekshon shuh

New Delhi:U Myntri Rangbah duh jong ka ri u Narendra Modi u la kynthah tyngeh ia ka parti Congress ha ka sngi u Blei, ha kaba u la ong ba kito ki bym lah ban jop ia ka elekshon ki la phet noh na madan ban ialeh bad wan sha Rajya Sabha na jylla Rajasthan.

Haba ai jingkren ha ka jingialap elekshon ha Jalore, u Modi u la ong ba ka ri ka la pynshitom ia ka parti Congress na ki pop ki jong ka,ka parti kaba la jop teng haduh 400 tylli ki seat, ka la shem shitom khait ban ioh wat tang 300 ngut ki kyrtong ha ka elekshon Lok Sabha.

Kito ki bym lah ban iakhun ia ka elekshon ki la phet noh na ka madan iakhun, ha kane ka por ki la wan sha Rajya Sabha lyngba ka jylla Rajashthan, ka long ka man jong ka parti Congress ka la sniew shaba palat.
Ka Sonia Gandhi ka dei kawei na ki MP jong ka Rajya Sabha bala shah jied na jylla Rajasthan ha u bnai Rymphang, kiba bun na ki nongialam jong ka parti Congress kim shem la iakhun ia kane ka elekshon, hynrei ka parti ka la kyntait ba ka jing bym iakhun jong ki ka dei ka jingtieng.

Ha ka bynta ba nyngkong jong ka jingthep vote,mar shiteng ka jylla Rajasthan ka la pynshitom tyngeh ia ka parti Congress,namar ki tip ba ka Congress kam don satia ka jinglah ban pynlong ia ka india ka ba khlaiñ bor.
Ka ri kam kwah satia ba ka parti kaba don ha shwa jong u snem 2014, ba kan wanphai biang ha ka bor.
Ka Congress ka la pynlong ia ka ri da kaba pynsaphriang ia ki kruin jong ka jingiadei bad na bamsap, mynta ka ri ka la bitar ia ka parti Congress ha kaba ki la pynshitom na kine ki pop ki jong ka, ki samla ki la bitar bad kim kwah shuh ban iohi wat tang ia ka dur jong ka ruh.

U Modi u la ai jingkren ha ka jingialap elekshon ia u kyrtong jong ka parti u lumbaram Choudhary ha Bhinmal.
Ka Congress ka dei ban kynnoh ia lade ia ka jinghiar jong ka, ka parti shisien kaba la ioh haduh 400, hynrei mynta ka long ka man ka la sniew palat haduh ba kam lah shuh ban ioh wat tang u kyrtong ban iakhun ia ka elekshon ruh.
Ka kynhun synrop INDIA, ka long kum ka kot kudi ba la ot noh ia ki sner ha shwa ba kin her.