Sangah ka kaiphod U CAG, ba pyndonkam bakla ka sorkar India ia ka pisa GST

New Delhi: Ka kaiphod jong U Comptroller and Auditor General (CAG) ka India, ka lap ba ka sorkar India, ka la pynkhein ia ka jinglum pisa Goods and Service Tax (GST), ha kaba ia ka pisa kaba T.47,272 klur kaba dei ka pisa ba la ioh lum na katei ka khajna, la leit buh ha ka Consolidated Fund of India (CFI). Katei ka dei ha ki snem 2017-18 bad 2018-19 bad ba la pyn donkam ia katei ka pisa, sha kiwei pat ki kam, ong ka khubor jong ka Indian Express bad la ong shuh shuh ba ka jingduna pisa jong ka GST ha kine ki sngi, ka dei namar ka jing pynkhein ia ka kyndon jong ka GST Compensation ACT, 2017.

Ha u snem 2018-19, ka don ka jingmang pisa ban siew sha ki jylla kaba long T.90hajar klur na katei ka pla, hynrei hadien ba la ioh lum T. 95,081 klur, la siew pat sha katei ka pla jong ka GST tang T.54,275klur.

Ki jylla, ki ujor halor ka jingduna pisa kaba T.2.35lak klur na ka pla jong ka GST, hynrei la lap da katei ka kaiphod, ba ka pisa mynta ka don T.97,000 klur ha katei kajuh ka pla, katba ia kaba tam, kaba long T.1.38 lak klur, la pynlut sha ka pla jong ka khlam coronavirus.