San shah palat ka dor number plate kali ha Meghalaya, ong ka NKU

Shillong, 4 Nohprah:
Ka National Khasi Union (NKU) ka la talain tyngeh ia ka sorkar jylla kaba la khein dor rem palat san shah ia kaba kiwei ki jylla ki la shim na kaba shu pyndait number plate kali ne High
Security Registration Plates (HSRP) haba ia nujor bad ka Assam.
“Ka dor ban shu pyndait ia ka HSRP kam long kaba shongnia namar ba ka jingtuh kali ha ka jylla ka la kynrei bha bad kam iarap eiei ka HSRP”, la ong u general secretary ka NKU u Bah S Dieng doh ha ki nong thoh khu bor mynta ka sngi.
U la ong ba ka dor pyndait HSRP ha ki saw tylli ki jylla ka long T.1905 ia ki kali saw shaka ha kane ka jylla katba ha Assam ka long tang T. 319.
U la dawa ba ka kompeni Shimnit Utsch India Private Limited ka dei ban pynshai ia kane ka jingshim dor rem ha Meghalaya.
“Lada kane ka kom peni kam lah ban ai ia ka jingshai, ka seng kan
leit ban iakren bad ka sorkar ban weng noh ia ka jingai kontrak sha
kane ka kompeni bad ban ai noh sha kiwei pat”, la ong u Bah Diengdoh.
Ha kajuh ka por, u la ong ba ka NKU ka buh jingkylli ia ka jingshngain
ka jingbuh ia ka HSRP, namar ba ka jingtuh kali ka jur bha wat haba
la pyntreikam da kine ki number HSRP.