San ngut phah ka UDP, ban iasaid ILP bad u Mukul

Shillong, 3 Nailur:
Ka UDP ka la rai ban phah san ngut ki dkhot ka seng ban leit iasaid nia bad u Mukul Sangma halor ka jingdonkam ban wanrah ia ka Inner Line Permit (ILP) ha kane ka jylla.
Ka jingialang jong ka UDP kaba khot mynta ka janmiet, ka la jied ban ialam ia kane ka kynhun da u Working President ka UDP u Bah Paul Lyngdoh ba kynthup ruh ia u MLA ka Sohra u Bah Titosstar Well Chyne, u MLA ka Mawthadraishan u Bah Brolding Nongsiej, u Bah Allan Dkhar bad u Bah Hamlet Dohling.