San ngut ki IPS, yn jied uwei ban shimti kum u DGP

Shillong, 24 Jylliew:
Ka State Security Commission (SCC) ka la jied san ngut ki ophisar IPS ban shimti kum u Director General of Police (DGP) ka Meghalaya.
Ka SCC kaba la khlieh da u Myntri Rangbah u Dr Mukul Sangma ka la iakynduh hynne ka sngi ban iakren na ka bynta ban thung ia u DGP ba pura jong ka jylla namar ba u DGP u Prem Singh (1977 batch) ba mynta u dei tang uba shi por.
Napdeng ki san ngut ki IPS ophisar, kiba la buh ha ka thup ban jied ki long u Director General (Civil Defence & Home Guards and Prison) u Kulbir Krishan (1976 batch) uba rim tam.
U Krishan ha u Nai wieng mynshem snem u la shah thung kum u DGP hynrei u la shah sloit noh shwa ka elekshon ha ka Election Commission.
Kiwei pat ki IPS ophisar kiba la don kyr teng ki long u Subhash Goswami (1977 batch), u DGP ka Assam u Jayanta Narayan Choudhury (1978 batch), u DK Pathak bad u PJP Haneman (baroh ki dei jong ka 1979 batch).
Ia u DGP ba pura dei ban thung napdeng kiba la kynthup ha ka list ha kaba ka por ba kin shong thait kam pat dei ban duna ia ka shi snem.