New Delhi: Ka elekshon komishon jong ka India, myn hynnin ka sngi, ka la pynbna ia ki tarik elekshon, na bynta ka Jylla Jharkhand bad ka elekshon, kan long ha ki san sngi bapher bad kan sdang naduh ka 30tarik Naiwieng bad ia ka result, yn pynbna ha ka 23tarik Nohprah 2019.
Kiwei pat ki sngi thep vote, kin long ha ka 7tarik Nohprah, 12tarik, 16 bad 20tarik Nohprah. Ka jingdon ki dkhot ha katei ka iing dorbr, ka long 81ngut bad ka dei ka Jylla, kaba ki khlain bha ki ehrang Naxal. Ka elekshon ha u snem 2014 ruh, ka long hi ha ki san sngi bapher.
La pynbna ia katei ka elekshon, da U Sunil Arora, Chief Election Commissioner mynta ka sngi.
Mynta ka synshar ka BJP ha katei ka jylla, kaba don bun bah ki jait bynriew tribal, ktba ka seng Congress bad ka Jharkhand Mukti Morcha, ki dei ki liang pyrshah, kiba ia khun tyngeh ha kane ka kynti ban pynhap ia U Raghubar Das, myntri rangbah ha katei ka Jylla.
Phi don ban ong eiei?