Nongstoiñ: U MDC ka Rambrai Jyrngam Constituency u bah Bajop Pyngrope myn hynnin ka sngi u la ioh ban sam ia ki Work Order sha ki paidbah nongshong shnong ka Rambrai Jyrngam Constituency kiba dei ruh na ka skhim MDC ka jong u kaba wan lyngba ka Central Assistance kiba dang shu ioh shen.
Kitei ki skhim kiba u MDC ka Rambrai Jyrngam Constituency u la ioh ban sam kila kot shaduh ka 70 lak tyngka bad kitei baroh ki skhim kidei na ka bynta ban shna lane pyntrei ia ki jingtrei hapoh ki shnong ki thaw, ki skul, ki Blang bad kiwei kiwei.
Na ka liang jong u tei u MDC u la iathuh ruh ba ha kaba iadei bad ki skhim ban thied jingthied ki dang don hapdeng ka jingpynkhreh bad hadien bala dep ban pynbit pynbiang shen yn sa lah ban sam sha ki paidbah ka Constituency.
Kumta na ka liang jong u MDC u la kyntu ia ki paidbah kiba la ioh pdiang ia kitei ki Work Order kin pyntreikam hok ia ki skhim khnang ba kan long ka jingmyntoi ia ki hi bad ruh ba kin ioh ia ka burom ym tang ia u kum u MDC hynrei khamtam ia ki paidbah ka Constituency.
Phi don ban ong eiei?