Sam u lat ka jylla ia ka Award sha uwei u samla, pyllait paidbah ia ki dur ba shu dro

Shillong: U Lat ka Jylla, u Tatagatha Roy, mynta ka sngi u la pynkup burom ia u samla Pascal Mario Kmenlang Pathaw da ka khusnam Crystal Gayle Kharnaior Memorial Award 2020 halor ka jingtbit jong u ha ki kam ban dro jingdro. Ia kane ka khusnam la ai da u lat ka jylla ha ka ïingsah jong u ha Raj Bhavan.

Kane ka khusnam Crystal Gayle Kharnaior Memorial Award la seng da ka Riti Academy kum ka dak ban buh sahkynmaw ia I Crystal Gayle Kharnaior iba la khlad noh ha u Nailar 2017 hadien ba ka kali kamai ba I shong ka la shah ban ha uwei u dieng uba hap na ka iingsah u lat.

Kane ka khusnam kadei ka jingai jingithuh ia kito kiba don ia ka sap ban dro dur bad kiwei kiwei ki sap ba kyrpang.

Ha kajuh ka por u Lat ka Jylla, ryngkat bad ka kurim jong u, ki la pyllait paidbah ia ki jingdro dur ba la dro da u Bah Raphael Warjri. Ia kine ki dur la buh ha ka Durbar Hall jong ka Raj Bhavan bad ki dur ki dei kum ka shad nongkrem, ka shad Wangala bad ka dur jong u Sardar Vallabhai Patel.