Sam syrnod ka KJP sha 200 ngut, kiba hikai tem

Shillong, 26 Naitung:  
Palat 200 ngut eiei kiba la pyndep ia ka jing pule ha ka tem ka put na ka Assembly Institute of Music ki la ioh syrnod ha kane ka sngi Saitjain.
Ka KJP Music Institute ka la pynlong ia kane ka prokram pynkup bu rom ba la wan pyndon burom da u CEM ka KHADC, Bah Pynshngain N. Syiem.
Kine kiba la ioh synod ki dei kiba la pyn dep ha ka jingpule ha ka Piano, Ksing, Duitara bad Tonic Solfa.
Haba kren ha kane ka sngi, u Bah Syiem u la ong ba ka tem ka put ka dei ka bynta ba kongsan ha ka jingim jong u bad u la ai ia ka jingiaroh ia ka KJP Music Institute kaba la shim ia kane ka sien jam ban ai jinghikai ha ka put ka  tem tynrai bad kiwei ki jait jingtem.
U la ong ruh ba ki samla kiba la pyndep ia ka jingpule kin nym dei ban kut tang halade hynrei kin sam lang sha kiwei ruh.
U la kular ban noh synniang T.10 lak  da ka pisa ban pynheh shuh shuh ia ki kamra klas.
Shwa ia kane, u Pastor Thawmuit, u la ong ba ka jingrwai ka don ka bor ban long kum ka khubor ban pynkylla ia pyrthei.  U la iathuh ruh ba ha ka Ribaibal jong ka snem 1906, kiba bun ki briew ki la kylla kaba mut sha ki jaka trei, sha ki bri, dei namar ba ki rwai ia ki jingrwai iaroh jong ka Seion.
Ha kane ka sngi  la don lang u Chairman jong ka Board of Assembly Institute of Music, u Rev . S. Lakiang, u Director TBn. SS Syiemlieh, u Administrative Secretary ka KJP Assembly, u Rev. ES Kharkrang, u Chairman ka Jingiaseng Samla KJP Assembly, u Rev. RR Rapsang, u Secretary ka Institute, u Bah DM Lartang, ki dkhot ka Board bad kiwei kiwei.