Sam musari sha Nongpoh

Nongpoh, 05 Jymmang:
Kum shi bynta ban ai ia ka lad jingiada ia ki paidbah na ka jingpang Khieshohrieh ne (Malaria), mynta ka sngi ka ophis jong ka District Medical Health Officer (DH&MO) ka la pynlong ia ka jingsam ei ia ki Musari ba la dep wieh dawai sha ki palat hajar ngut ki paid nongshong shnong ka thain Nongpoh, Ri Bhoi District.
Ia kane ka jingsam ei ia ki Musari kaba la pynlong ha Iing Durbar Hall Sajer, Nongpoh, ia kaba la sam da u Bah Lawrence Mawlong, uba dei u PHN jong ka Malaria, ha ryngkat ka jingdonlang jong u Bah Bull Lyngdoh, rangbah shnong ka Sajer lem bad kiwei kiwei ki ki nongialam shnon jong ka thain Nongpoh.
Haba iadei bad kane u Bah Lawrence Maw long, u la ong ba ka jingthmu jong ka DH&MO ban sam ia kitei ki Musari kiba la dep ban wieh dawai, ka long ban ai ka jingiada ia ki paidbah na ka jingpang Malaria.
“Kine ki Musari la wieh da ki dawai ia kaba la tip kum ki Long Lasting Insecticidal Net (LLIN) bad ki Musari kiba la wieh da kine ki kynja dawai, u kain pyrjong um nud satia ban tur hajan jong kine ki Musari bad kin neh haduh kumba 5 snem ei ei” la batai u Bah L.Mawlong.
Shuh shuh u la ong ruh ba ka jingthmu jong ka DH&MO ban sam ia kitei ki musari ka long ban iarap ia kito ki longing baduk ki bym lah kotbor ban thied musari bad ha kane ka sngi haduh 2160 tylli ki musari sha ki nongshong shnong ka thain Nongpoh, la bynrap u Bah L. Mawlong.