Shillong:Ka FKJGP East Jaintia Hills District lyngba ka FKJGP SEBA Circle ryngkat ka jing iadonlang ka FKJGP Lama Unit, ka la sam mar bam sha ki long iing ba duk kumba 31 iing ha ka 05tarik Jylliew 2021 kiba shah ktah ha kum kane ka por ba wan lynshop ka khlam.
La pynlong ia ka jing ialang, kaba lyngkot ba pyniaid da u President ka FKJGP Lama Unit, Bah Heibormi Suchen.La ioh ka jingkren na u Waheh Shnong Lama Tellme Dong bad u la ai ka jingiaroh ia ka jingnoh synniang jong ka Seng sha ki nongshong Shnong kiba shem shitom ha kum kane ka por ba wan ka khlam.La ioh ruh ki jingkren lyngkot na u President ka FKJGP SEBA Circle, Bah Mathew Pajat ha ryngkat ka jingdon lang jong u Secretary SEBA Circle Bah Eladmi Suchen.La don lang ruh u Secretary Shnong Charling Syrti bad ki dkhot committee jong ka Shnong ha ka por ba ka dang sam marbam sha ki longiing ba duk.
Phi don ban ong eiei?