Sam kombor u Bah Process ia 200 tylli ki longïing ha Nongpdeng

Shillong, 17 Nohprah:
U President ka Maw lai Peoples Development Forum (MPDF) Bah Process T Sawkmie lyngba ka Women Wing ka Nongpdeng Unit hynne ka sngi Hatmajai u la sam da ki kombor sha ki 200 tylli ki longïing baduk ka shnong Mawlai Nong pdeng. Ka jingsam kombor ka long kum shi bynta na ka jingai sngewbha Khris mas.
La sam ia ki kombor hapoh ka community hall jong ka Mawlai Nongpdeng. U Bah Process u la iadon lang bad long kum u kongsan ha ryngkat ka jingdon lang jong kiwei bad ka Kong H Rynjah President women wing Nongpdeng Unit ka la pyniaid ia ka jingialang.
U Bah Process u la ong ba ka jingwan phai ka jong u, ka long namar ba u don ia ka jingieit kaba khraw bha ia ki paidbah ka Mawlai bad kumjuh ruh na ka liang ki paidbah ruh ki la pynpaw ia ka jingieit ia u, da kaba wan bad pyndap ia ka community hall jong ka shnong, kaba la dap smam.
U la ong ba kane ka jingai sngewbha ka long kaba rit bad kumta u la kyntu ia ki paidbah khamtam ia kito kiba ym shym la lah ban ioh ha kane ka kynti ba kin nym dom ne sngewsih hynrei ia ki ruh yn sa pynioh khlem pep.