Sam kombor ka myntri ia ki tymmen Mercy Home

Shillong, 3 Risaw:
Ka Myntri jong ka tnad Social Welfare ka Deborah C Marak mynta ka sngi ka la sam kombor sha ki tymmen kiba sah ha Mercy Home, Demthring Shillong kum ka jingrakhe ia ka taiew ki tymmen.
Ia katei ka Mercy Home la seng ha u snem 1973 ha ka jingpeit jong ki Sister jong ka Charity ka St Bartlomea Capitanio bad Vincenza Geroza.
Mynta ki don 39 ngut kynthup 23 ki meiieid bad 16 ngut ki paieid kiba ia sah ha katei ka Mercy Home.
Napdeng kitei baroh ki basah ha katei ka Mercy Home ka Kong Prin Mary Pale kadei kaba la kham tymmen tam kaba la kot 105 snem.
Haba kren ha kane ka sngi ka Myntri jong ka Social Welfare ka Deborah Marak ka la ong ba ia kine ki sngi la rakhe ban pynkynmaw ia ka jing nohsynniang jong ki tymmen ha ka imlang sahlang.Ka Myntri ka Social Welfare ka la iaroh ia ka jingtrei shitom jong ki sister jong ka Mercy Home na ka bynta ka bha ka miat jong ki briew ki ba la noh ka rta. Ha katei ka sngi la iadon bynta lang bad u Director ka Social Welfare u Bah HM Shangpliang.