Hapdeng jong ka saw ka sian, jingeh jingjynjar jong ki paitbah naka daw ka pakhang shnong namar ka Covid 19 (Corona Virus), khamtam kiba duk ba rangli ha kaba ki nongmih khmat bapher bapher kila mih sha khmat ban iarap iala ki paitbah sha la ki Constituency jong ki ban ai da U Khaw ne ki marbam kum ka jingiarap sha kiba duk ba rangli.
Hakum kane ka por, ym lah ban len ba U MLA ba don burom ka Mawhati Constituency Bah Dasakhiatbha Lamare U la mih sha khmat ban sam paitbah ia u khaw sha baroh ka constituency bad wan pynshai da lade ba ia u khaw ba u ai dei ban sam lyngba ka jingiatrei lang ryngkat bad ki nongialam shnong bad bishar bniah mano ba dei hok ban ioh bad U la kyntu ruh ba ym dei ban ialeh politics hakum kane ka por
Hynrei kaei kaba sngewsih ka long ba katkum ka jingioh jingtip naki nongialam shnong jong ka shnong Umlaper, Ri Bhoi District, ba ia u khaw ba ai U MLA sha katei ka shnong la leh politics ha kaba u khaw la pynpoi shaka Unit jong ka party bad la sam ia u khaw mynta ka step 15 April 2020 tang shaki para nongkyrshan haka election, bad kaba sngewsih shuh shuh ka long ba ym shym pyntip shaka bor shnong haka por ba sam ia u ne u khaw.
Haka jingiakren bad U Secretary Shnong Umlaper, U la pynpaw ka jingsngew bynniaw kaba khraw ha kaba u la ong ba ka rukom sam ia u khaw kam shym la long kumba bthah da U MLA, bad U la pynpaw ruh ka jingsngewsih ba ia khaw ym shym la ioh sha kiba don hok ban ioh, bun naki ba ioh ruh ki long kiba kham bit kham biang haka ioh ka kot.
Ka jingkylli kiba bun ba lang hakum kane ka por ka long mynta, Hato ia u khaw ba ai da ki nongmihkhmat dei ban ai bad sam lyngba ka party? Lada ka long kumne shaei ka imlang sahlang ka bha ka miat jong ka shnong ka don?
Bah Elishon Muktieh, Secretary, Umlaper.
Nga la kyrpad shisien bad dang iai kyrpad ruh ia ki nongthoh khubor, la ki dei ki reporter ne editor, ba haba thoh Khasi dei ban thoh beit naduh ka shynrong haduh ki kyntien ba dei ban iasoh bad iakhlad.
Ki ba bun na constituency mawhati la Sam ia ki khaw Ha ki tei ki rukom tharai Lah dei ban Phah Wat jing tip Shuh2 na kawei ki shnong ba don ha Katei ka constituency Ba ki ioh ne m ia ka bhah na u mla kumba la bthah na u mla Ba don burom ka tei ka constituency