Shillong:I Kong Plenty Pyngrope kurim jong I Bah Synjoy Kongwang, i la pyllong iaka jingsam jingiarap da u khaw bad ki jhur sha ki ar tylli ki shnong ka Bakur bad Dawki haka 11tarik Iaiong 2020 ha phyllaw iing jong I ha Bakur haka jing iatreilang ryngkat bad kitei ki ar tylli ki bor shnong.
Ha shuwa ban pynlong ia kane ka jingsam marbam, la ioh shuwa ka jingkren na u Waheh Shnong ka shnong Bakur I Bah Daniel Khongsit bad pynbud pat sa ka jingkren na u Secretary ka shnong I Bah Donstan D. Khonglah.
Ha ka jingkren, naka liang u Waheh Shnong ka Bakur,u la pynpaw ia ka jingsngewnguh bad sngew burom ia I Kong Plenty Pyngrope lem bad ka iing ka sem jong i ha kaba ha kum kane ka por kaba ka pyrthei baroh kawei ka mad ia kane ka jingeh bad jingkyrduh bam namar ka jingtrei borbah jong u khñiang jingpang Covid-19, pynban I Kong Plenty khlem jingbynnud i la mih shakhmat ban kner iaka kti jingiarap sha jan baroh ki longiing longsem kiba duk kiba don hapoh ka Shnong Bakur bad Dawki.
Ha kane ka jingsam marbam la ioh ban sam sha kumba 500 tylli ki longiing kiba don ha shnong Bakur bad Dawki. Na ka liang jong u Bah Daniel u la ai ruh ka jingkyrkhu kyrdoh ia kane ka longiing kyrpang ia I Kong Plenty Pyngrope bad bah Synjoy Kongwang ba in nang ioh iaka met kaba koit ba khiah bad ruh ban mad shuh shuh iaki jingkyrkhu ha ki kam ki kti lyngba ka jingiarap jong u Blei uba na jrong. Bad hadien ka jingkren la ioh ban pyllong iaka jingduwai da I Bah J.R. Sungoh,Rangbah Balang ka shnong Bakur bad Dawki.
Sngew tynnad ban ioh sngew kum kine ki khubor sngewlem IBA la rap Da kaba ai Jing iarap Da u khaw bad ki jhur ia ki longiing kiba duk nga kyrpad ia kito ki heh spah kiba kham don kham em phi ruh sngewlem sngew synei lem ba phin ia noh mynsiem iaki ba duk ba lanot Da kaba ai bad Sam kumba Leh ine I kong khublei shibun kong ia ka Jing iarap sbun mynsiem jongphi iaki to ki longiing kiba Shem jingeh bad khuslai mynsiem ha kum kine sngi