Shillong: Ka shnong ka thaw ka KSU Rangthong Unit ha ka 18tarik Nailur 2020, ka la ioh ban synniang lem da ki face mask sha ki nongshongshnong ka shnong Rangthong bad kumjuh ruh sha ka Rangthong PHC.
Ia kane ka jingsam ia ki face mask, la ialam da u vice president ka unit u ba dei ruh u executive member ka KSU Southwest khasi hill district, u samla Evansroy Nongrem, U samla Iengskhem Syiemlieh, Vice President ka KSU Mawkyrwat circle ba dei ruh u education secy ka unit, nangta u Samla nicky bobby syiemlieh asst. Secy ka unit lem bad ki dkhot ka unit.
Kane ka sienjam ba kum ka unit ka la shim ka long kum shi bynta ban pynsngewthuh paitbah ia ki lad jingsumar bad kumno ban iada na u khniang jingpang COVID 19 u ba lasdang pur sted ha ka jylla.
Shuh shuh ka seng ka don ka jingkyrmen ba lyngba kine ki face mask ba ka seng ka la noh kan long ka jingmyntoi ba khraw ia u paidbah ba un pyndonkam khamtam haba ki leit ki wan. Ka seng ka kyntu ruh ia u paidbah ban long uba adkar bad dei ban bud ryntih ia ki kyndon ba la buh da ka health department, khnang ba une u khniang jingpang un nym ioh ban suhthied.
Kum ka seng ba ju shakri ia ka bha ka miat u paitbah, ka la noh synniang ruh da ki mask sha ka Rangthong PHC kum ka dak barit ban ia snoh kti lang ban iatrei lang ban teh lakam ia ka jingpur u khniang jingpang COVID 19. Kum ban shu pynkynmaw ka seng dang ha kine ki khyndiat bnai ka la shim jingkitkhlieh ban leit iakynduh ia u DMHO, ban dawa ban phah doctor MBBS ba pura hapoh ka PHC bad kum ka seng ka pynpaw ka jingsngewkmen halor ka jingkloi jong ki bor ba halor ban sngap lem ia ki jing ud u paitbah da kaba wanrah doctor MBBS thymmai bad ka la long shisha ka jingmyntoi kaba khraw khamtam ha kum kane ka por ba ka pyrthei ka mad.
Kyntang iawai ka KSU Rangthong unit ka kitbok kitrwiang ia baroh ba u Blei un ri un sumar, un pyllait bad un don ryngkat bad ngi, lyngba ka jingialeh thma pyrshang ia une u khniang jingpang Corona Virus, ong ka kyrwoh na u samla Iasohlang Nongrem, Publicity secy ka unit.
Phi don ban ong eiei?