Sam bai Puja U bah Sanbor sha ki Puja komiti

Shillong, 19 Nailur:
Ka Monitoring Cum Implementation Committee jong ka 19th Shillong South Konstitwensi ka la pynlong ia ka jingia-kynduh lang hapdeng ki Puja komiti bapher bapher ha ka sngi 18 tarik mynta u bnai ha Communitty Hall ka RLSSCO ha Bishnupur Shillong. Ha katei ka jingiakynduh ki la don haduh 27 tylli ki konstitwensi kiba la wan ia shim bynta.
La sdang ia katei ka jingialang da ka jingduwai jong u Shri R. Bhattacharjee bad u Shri A. Acharjee, la pynbud pat da ka jingot cake bad la sam paidbah da u bah Sanbor Shullai, MLa uba dei ruh u chairman katei ka komiti. Kiba la ai jingkren ha katei ka sngi ki kynthup ia u Naba Bhattacharjee, President bad U JL Das, Gen. Secretary, Central puja Committee Shillong bad ha katei ka sngi la ai khublei Puja iwei ia iwei pat.
U bah Sanbor u la sam jingiarap pisa na ka bynta ka Puja ha ka jinglut kaba T.5,10,000 tyngka ( San lak shiphew hajar tyngka) sha ki 27 tylli ki Puja komiti ba ka bynta ki jingwah pynthaba bad ki jingpynriam pynbeit ha ka jinglehniam Puja.