Sam bai Puja U bah Sanbor

Shillong, 12 Risaw:
Kumba ju long manla u snem ka Monitoring cum Implementation Committee (MCIC) ka la pynlong ia ka jing rakhe pynkhreh ia ka Durga, Lakshmi bad Kali Puja, 2015 kaba la long ha ka 11 tarik mynta u bnai ha RLSSCO Community Hall, Bishnupur, Shillong. Ha katei ka sngi nalor ki paidbah kiba la donlang ha katei ka jaka la wan ruh ban sakhi da ki Puja Committees, ki dkhot jong ki Dorbar Shnong, seng trei mon sngewbha na ka 19th Shillong South Konsti twensi bad na sor Shillong baroh kawei.
La rakhe ha katei ka sngi da ka jingot cake na u MLA ka Shillong South uba long ruh u u President ka MCIC u bah Sanbor Shullai.
Ha katei ka sngi u bah Sanbor u la sam ia ki jingnoh synniang kum ka dak ka jingieid sha ki 24 tylli ki Puja komiti bad Kali Puja komiti kaba u la mang kyrpang na ka tulop MLA jong u kaba kot haduh T.4 lak tyngka. U bah Sanbor u la ai khublei kitbok kitrwiang ia ki paidbah riew ngeit ka Hindu ha ka jingrakhe Puja jong ki, ka ban sa sdang shen.