Sahteng, ka jingtohkit ia ka kynrum kynram ha Block Shella Bholaganj

Shillong, 30 Jylliew:
Ka jingtohkit ia ka kynrum kynram ha Shella Bholaganj block, ka dang sahteng, namar ba ka Additional Deputy Commissioner (ADM), kaba dei ban leh ia kane ka kam, ka dang don ha ka jingleit kam ophis.
U Deputy Comis sioner ka East Khasi Hills u Sanjay Goyal u la ong ba ka jingtohkit halor ka kynrum kynram ha block Shella Bholaganj ym pat tip, namar ba um pat ioh ia ka kaiphod na ka ADM ka Kong AL Mawlong kaba la bynshet ban pyn long ia ka jingtohkit. “Ka ADM kan wan trei haduh 11 tarik u Naitung bad ha dien kane, lah ban ioh ia ka kaiphod”, la ong u Go yal bad bynrap ba ka jingtohkit kan ym slem.
U la ong ba ia mynta um tip, la ka jingtohkit halor katei ka kynrum kynram ka la sdang ne kam pat sdang, namar ba ka Magistrate ba dei ban tohkit ia katei ka kam ka dang don ha ka shuti, namar ba ka dang leit ban shah hikai.
Lah ban kdew ba u u Director ka C&RD u Akash Deep u la ong ba ka jingkynrum kynram ba mih ha Shella Bholaganj hadien ka jingujor u BDO naduh u bnai kyllalyngkot mynta u snem pyrshah ia ki JE katei ka block.
Katkum ka jingong u Deep, u BDO u ujor sha u DC, namar ba kitei ki ar ngut ki JE kim shym la kohnguh bad pyndep ia ka kamram. “Haduh mynta ngim pat ioh jingujor eiei na kitei ki enjiniar, hynrei ngi dang ioh jingujor tang na u BDO”, la ong u director ka C&RD.
U la ong ba kaei kaba ngi iohi ka long ba kitei ki ar ngut ki enjiniar ki leit ai jing ujor, sha ki pulit pyrshah ia u BDO hadien ba ki la dep skren sha ki lad pathai khubor.
Na ka liang u DC u la pan jubab na kitei ki arngut ban pynshai halor ka jingshah ujor ka jong ki. “Lada ka jubab jong ki kam biang ki lah ban pynshitom ia ki kum ka rukom hynrei lada ka biang ka jubab ka sorkar kan nym pynshitom ia ki”, la ong u Deep.