Shillong: Ka Hynniewtrep Youth Council War Jaiñtia Circle hadien ba la ioh jingtip ba don ki khynnah War Jaiñtia bad Jaiñtia Hill ba pule ha sor Shillong ba kim ioh lad ban wan phai sha la ki shnong ki thaw jongki shala ki kmie ki kpa jongki ne ba ha iing hasem jongki na ka korphiw ka sorkar, halor ban iada na ka khlam jingpang Covid-19.
Katkum ba long mynta kitei khynnah pule mynta ki don hapdeng ka jingeh naba ka bam ka dih jongki ka la sdang ban lut nalor bakim ioh pisa shuh ban leit thied iaka bam ka dih bad kumjuh ruh ki kur ne kiba haiing jongki mynta ki dap daka jinglyngah mynsiem halor ka jingbymioh lad ki khun ki kti jongki ban wan phai shnong.
Kumta kum ka seng kaba peit iaka bha ka miat mynta ka sngi la lum iaka jingialang kyrkieh ryngkat bad ka Amlarem police department bala ia phylliew jingmut kumno ban wad lad wad lynti khnang bakitei ki khynnah kin ioh ban leit phai shala shnong. Kumta da kawei ka sur la rai ban pan pass na ka SDO Amlarem, lada ka ailad ia ka seng ryngkat bad ka Amlarem Police Department bakin leit shaw iakitei ki khynnah khnang bakin ioh ban wan phai shala ki shnong jongki. Kito ki khynnah kiba dang don sha shillong ki lah ban phone ha u ne u number +919366537385, bad +919862523268, ong ka kyrwoh na u Publicity u Samla Riki Mukhim.
Phi don ban ong eiei?