Sahkut, ka jingdie ia shi spah byrni u kew, na ka daw jong ka aadhar card u blei

Banda (UP): Uwei u sadhu, ula leit sha ka jaka thied kew jong ka sorkar ha Banda jong ka Uttar Pradesh, na ka bynta ban die ia u kew, uba la pynmih na ka lyngkha jong kawei ka temple.

Katei ka jingjia, ka la jia ar sngi mynshwa, ha ka shnong Kurhara, ha Attara tehsil jong ka Banda, ha kaba U Mahant Ramkumar Das, uba dei u lyngdoh bad uba peit ia ka Ram Janki temple, ula leit ban die ia ka 100 kwintal u kew ha katei ka iew sorkar.

Ynda la poi ha katei ka jaka thied kew, ula lyngngoh, ba ki briew jong ka tnat sorkar, ki dawa na u, ban ai ia ka aadhar card jong u trai jaka lane jong u blei, uba dei u trai jong katei ka jaka kaba hynniew hectare bad kaba la ai kyrteng trai jaka ia u Lord Ram bad u Janki.

“La kyntait ban thied ia utei u kew, na ka daw, ba ki kwah ia ka aadhar card jng u blei, te kumno ngan ioh ia katei ka aadhar card?” kylli U Das.