Sahkut ka arrear ba 25 percent ki nonghikai deficit LP school

Jowai: Ka arear jong ki nonghikai school Primary kaba dei 25 percent bad kiba hap hapoh ka SDSEO, Jowai sardar ka la sahkut bad kim shym la lah ban sei ia ka na bank.
U President ka All Jaintia Primary School Teacher Association, u ma L Jat u la iathuh ba kane ka arear ka la sahkut naduh ka 3 tarik une u bnai.
Na ka liang ka All Jaintia Hills Primary School Teachers Association ka la pynpaw ia ka jingkyndit ba kane ka arear ka la sahkut hapoh bank.
“Ngi la ioh ia ka sanction naduh u bnai June bad hadien ka jingwad jingtip na ka Treasury office bad la ioh jingtip ba ka la sahkut ha UBI bank ha Jowai bad la ioh jingtip pat na ka bank kam shym la lah ban siew ia katei ka pisa sha ki Nonghikai namar ba pynsangeh da u officer hadien ba la ioh ia ka order na ka sorkar.
“Ngi sngewkyndit ba kam ju jia kumne, wat hadien ba ka pisa ka dep phah sha bank”, la ong u ma Jata.
Na ka liang ka Association ka la kyntu ia ka sorkar ban pyllait ia katei ka pisa khnang ba kan nym buh jingeh ia ki kum ki nonghikai.
Kumjuh ruh ka tulop haduh 2 bnai ym pat ioh sanction bad lada ioh tang kane ka arear ki nonghikai ki la ioh jingiarap shibun.