Sahkut haduh 342 klur ka bai tiar, ba pyntrei ia ka scheme MGNREGS, ong u myntri

Shillong: U myntri ka tnad kam pynroi ki thain nongkyndong u Bah Hamlet Dohling, u la pyntip hapoh ka iingdorbar mynta ka sngi ba ka pisa kaba dang sah ban pyllait da ka sorkar pdeng sha ka jylla ka kot haduh 342 klur na bynta u snem 2020-21 na bynta ki bai tiar ba tar jong ka skhim bylla shispah sngi.

Haba jubab ia ka jingkylli la ka sorkar ka bud dien ne em, na ka liang u myntri u la pyntip ba ka sorkar ka iai buddien ia kane ka kam bad u myntri u la jubab ba na ka liang jong ka tnat ka la phah ruh ha u bnai Risaw ba kan mang ia kane ka pisa, khnang ba ka sorkar kan ioh siew pyndep lut ia kane ka kam.