Shillong:U myntri ka tnad Food and Civil Supplies ka jylla u bah Comingong Ymbon ula pyntip ba ki don kumba 70 hajar eiei ki briew kiba aplai ban ioh Ration Card ban ioh mar bam reshon na ka sorkar, ki dang sahkut namar ba ka sorkar India kam pat pyndep ia ka jingkhein khlieh briew ne ka khanasumari.
Haba kren mynta ka sngi, u bah Comingone u la ong ba ka jingsahteng ka khanasumari ka dei namar ka jingwan u Covid-19 bad ka sorkar India ka la pynsangeh shwa. Katkum ka jingong u myntri, ka sorkar jylla kan sa sdang ia ka kam tad hadien ba ka sorkar India ka la pyndep ia ka khanasumari bad kum u myntri ula ju iakren bad u myntri ka sorkar India halor kane ka kam.
U la ong ba khlem ka khanasumari, ka sorkar pdeng kam lah ban pynkiew ia ka jingai bhah ia ki mar bam sha ka jylla bad namar kane ka daw, ka sah neh ka jingai bhah kaba rim.
Ha ka jingshisha, ka khanasumari la dei ban pyndep ha u snem 2021 hynrei hadien ba la wan syllad noh u Covid-19, la sahkut noh ka jingshim jingkhein khlieh briew ha ka ri.
Phi don ban ong eiei?