Sahdien ki thaiñ khappud ha Jaintia

Khliehriat, 9 Nohprah:
Ki paidbah ka thaiñ khappud ba kynthup ia ka shnong Hingaria, Huroi, Lei Long LeiJri bad kiwei pat ki la ia kynduh jingeh ha ka leit ka wan, ka khaii pateng, ka pang ka shitom namar ka jingbym biang ka surok namar ba naduh ki por mynshuwa haduh mynta ki surok ha katei ka thaiñ ki neh kumjuh. U President ka seng Southern Border Youth Welfare Association (SBYWA), East Jaintia Hills u bah Skhembor Shadap u la bitar ia ka jingniewbein bad lehbein ka sorkar ia katei ka thaiñ.
Katei ka thaiñ ka ia kynduh ym tang ha ka surok hynrei ha baroh ki liang naduh ki lad jingsumar, ki bording ilektrik bad kiwei, ong u nongialam katei ka sengbhalang. Katei ka seng ka la dawa na ka sorkar ba ka dei ban phaikhmat sha katei ka thain ban pyndap ia ki jingdonkam jong ka. Kane ka long ka kyrwoh na u Skhembor Shadap President jong ka seng Southern Border Youth Welfare Association (SBYWA), East Jaintia Hills.