Sah umdum ki paidbah ka Warsanlyngdoh rBa pynslem ka sorkar jylla halor ki kam District

Nongstoin, 23 Jylliew:
Myn ha ka sngi sait jain jong ka taiew ba la lah Ka JAC Umjarain kala pynlong ia ka General meeting halor Ka kam District, na ka liang jong Ka JAC ka pynpaw ia ka jingsngew lyngngoh ba Ka Sorkar kat haduh mynta kam shymla pat ai satia ia ka rai, wat hadien ba ka Meghalaya high court, ka la bthah ia ka sorkar ban pynlong ia ka sur paidbah, ha pynden umjarain myn ha ka 15tarik Kylllayng kot 2015. Kat kum ka jing sngewthuh jong ka JAC, ka long ban peit bad bishar ia ki paitbah shano ki mon ka sorkar Jylla lyngba u DC Nongstoin kala tip shai ba napdeng ki 2780 ngut kiba lawan sha katei ka sur u paidbah, kiba kwah ban leit sha SWKH ki don tang 8 ngut bad ki ba kwah sah sha WKH ki don 2772 ngut.
Na ka liang jong Ka synjuk ki rangbah shnong ban pynkynmaw ia ka sorkar ka la  phah ia ka jingthoh sha u Chief secretary jong ka sorkar jylla ha ka 28tarik Jymmang 2015, hynrei haduh mynta kam shym la pynmih ei ei. Hynrei kaba sngewsih ka long ba ka sorkar jylla haduh mynta kam pat lah ban ai ia ka rai kumta ka JAC, Warsanlyngdoh kaba kynthup ia ki 18 shnong, ki dawa ba ka sorkar ka dei ban pynmih mardor ia ka rai ia ki paitbah lem kumta  ka JAC kan nym shong thait. U bah R Myrthong Publicity Secretary JAC  Warsan Lyngdoh, u la iathuh ruh ba ha kine ki sngi ka JAC, ka la lap ba u BDO jong ka Mawkyrwat u la wan ban  pynbieij ia ki paitbah jong ka thain halor katei  ka bynta, hynrei ka JAC kaba kynthup ia ki rangbah shnong sengsamla shnong, KSU, FKJGP Warsan lyngdoh ka kyntu ia ka DC SWKH BDO Mawkyrwat bad ki wei ki ophisar sorkar ba kim dei ban wan pynbieij ei ei kat bym pat lah ban rai.
Shuh shuh u la ong ruh ba na ka liang jong ka JAC, ka dawa tyngeh na ka DC SWKH ba ka dei ban wan shim noh mardor ia ki dawai ba longbih kiba wan buh hapoh shnong Nongummer bad Mawhiangruda lyngba katnad Agri/Horti shwa ba kin jia ki ei ki ei.
Namar kham mynshuwa ka la  jia teng lynba kitei ki dawai ba long bih la pyniap bun ia ki masi bad ki dohkha da ki phew km jong ka wah Rukhon kaba don ha Nongummer bad lada jia ei ei ka DC SWKH bad kitei ki ophis kin hap shim ia ka jingkit khlieh.