Shillong, 31 Nailar:
Bun bah ki briew kiba la leit ban thoh ia ka eksam kam jong ka Meg halaya Public Service Commission (MPSC) ha kane ka sngi Saitjain na ka bynta ka kam Primary Investigator/ Computer ha ka tnad Directorate of Economics and Statistics, ki la sah kale namar ba ym don ba wan ban pyniaid ia ka eksamin.
Ki kandidet kiba thmu ban ialeh ia kane ka eksmin ki la ong ba kim shym la ioh kano kano ka jingtip ba ka MPSC ka la pynsangeh ia kane ka eksamin.
Kawei pat ka eksa min kaba la pynpep ka dei jong ka kam Statistical Officers ha ka Directorate of Economics and Statistics ba la buh naduh 2 haduh 4 pm.
Ki kandidet kiba la lynngoh bad sah kale ia kane, ki la ong ba ka MPSC ka la dei ban ai ia ka jingpyntip sha ki ba ka la pynpep ia kane ka eksamin.
La don ruh bun bah ki kandidet kiba la wan naduh ki jaka ba jngai wat na Garo Hills ban ialeh ia kane ka eksamin.
Hynrei ka MPSC ka la thep ia ka jingpynbna tang ha ka website ha ka21 tarik Nailar ba ka la pynsangeh ia ka eksamin bad kan long pat ha ka 27 tarik Nailar.
Ka jingpynbna ka MPSC ka la ong ia ka shithi jingpyntip yn sap hah katkum ba dei.
Ha ka jingshisha ka MPSC ka la dei ban ai jingpynbna ha ki kot khubor, ha ki radio ba ki paidbah kin tip.
Phi don ban ong eiei?