Sah ka um hajuh, ha wah Umkhrah ba rben palat ki ñiut

Shillong:Ka jingjaboh bad ka jingjakhlia ka wah Umkhrah, katba dangmih ki sngi ka la nangjur bad ka jing pynlong ban bret pathar ia ki plastic, ki jok um, ki bitor, ki jaiñjot, ki tiar ba pyndonkam ha ki dukan bad kiwei kiwei de ki jaboh, ka la pynsahkut wat ia ka um, kaba iaid namar ka jing rben palat ki niut.

Kane ka jing sahkut ka um kam dei tang mynta u snem, hynrei kane ka lah long beit kumne, kumba ka long naduh ba la sdang ban bret pathar ia ki jaboh.

Wat haba ka Khasi Hills Autonomous District Council, Shillong, ka la mana ban bret ne theh ñiut pathar ha kane ka wah bad lada lap yn pynshitom kat kum ka aiñ. Hynrei haduh mynta ki jaboh ki dang tuid lar lar bad dap mam katba dang mih ki sngi. Khamtam lei lei mynta ba lah wan sa ka lyiur ki jaboh na kylleng ka sor Shillong, kin sa nang tuid shuh shuh ban pyndap ia ka wah Umkhrah.
Shi bynta ruh kane ka lah ban dei ka jingpynjaboh hi ki paitbah, da kaba leit bret ia ki jaboh ha kane ka wah.
Ka jingmih jong ka jingsma iewtung, na kine ki jaboh ka lah ban ktah ruh ia ka koit ka khiah jong ki briew hadien habud ban ioh ia ki jingpang ba bun jait.