Sah ing jah ka Hostel ITI Rynjah

Shillong, 9 Rymphang:
Ha ka sngi thoh dieng jong ka taiew ba la dep ka KSU Nongthym mai Circle ka la leit ban jurip ia ka jinglong jingman ka jaka pule ka ITI kaba don ha Rynjah bad ha katei ka jingleit jurip ka seng ka la lap ba ki don bun ki jingduna kynthup ka jingsah ing jah ka hostel kaba dei ka jaka sah ki khynnah pule.
Ha katei ka sngi ka KSU ka la ia kynduh ruh ia u Principal katei ka jaka pule ban ia kren halor kiba bun ki jingduna, ka KSU ka la ba jur ba u principal u dei ban pyrkhing bha ia ka jingpoi biang por ki nonghikai katei ka jaka pule bad kumjuh ruh ki khynnah skul. Ka la ban jur ruh ban shimkhia ban wanrah ia ki tiar ki tar kiba donkam katkum kane ka juk kaba mynta.
Ka KSU Nongthymmai Circle ka la kyntu ia u Principal ba u dei ban peit ba ki khynnah pule ki dei ban ioh hok ia ka Stipend jong ki kumba ki dei ban ioh bad ha ka juh ka por ban maramot noh ia ka Hostel ki khynnah kaba la shu ieh ingjah. Ki nongialam ka KSU ki la ia kynduh ruh ia ki khynnah pule ban sngap ia ka jingeh jong ki ha baroh ki liang bad ki la kular ban iai buddien ia ka jinglong jingman jong kane ka jaka pule, katkum ka kyrwoh ba la phah da u samla Richard Mawkhiew,organising secy KSU Nongthymmai circle.