Shillong: Uwei u briew, uba wan phai na Bihar sha Umroi, ula ioh ia ka pang khlam covid 19, ong U Conrad Sangma, myntri rangbah ka Jylla, haba thoh ha ka facebook peij jongu.
Utei u don mynta ha ka jaka shong kyrpang. Baroh kiba don ia katei ka jingpang, haduh mynta ki long 28 ngut bad kiba la jem ki long 43 ngut.
Na ka liang u Director ka tnad ka koit ka khiah u Dr A War, haba iathuh kham bniah shaphang u briew u ba la test covid positive mynta ka sngi ha Umroi u la iathuh ba une u briew u dei u ba trei hapoh ka ktem shipai ha Rangmen bad u la wan ha jylla Meghalaya ha ka 2 tarik u Naitung 2020 bad na ka liang ki shipai ki la buh ia u hapoh quarantine.
U la iathuh ruh ba une u briew u la wan da ka liengsuin sha Guwhati bad na Guwahati u la wan da ka kali marwei tang bad u nongniah bad u nongniah u dei na ka jylla Assam, ki briew kiba iajan (high risk contact) jong bad une u briew u ba na umroi ki dei tang kiba la wan lang da ka liengsuin.
Phi don ban ong eiei?