Sa uwei uba ioh pang covid-19, u don ha ka jingshah sumar ha Resubelpara

Shillong: Uwei u briew, uba wan phai na Chennai, ha ryngkat bad kawei kaba ioh pang ha ki khyndiat sngi ba ladep, u ioh pang Covid-19.

Utei u briew, u don ha ka jaka sah kaba marwei, naduh ba u wan phai bad mynta, u don ha ka jingshah sumar ha Resubelpara, ong ka khubor na U Conrad Sangma, myntri rangbah ka Jylla, haba thoh ha ka twitter jongu.

Lem bad ka jingdon jong utei uba ioh pang thymmai, kumta ki don mynta 2 ngut, kiba ioh ia ka jingpang coronavirus ha ka Jylla, ha kaba kawei ka dei na Tura bad sa une uba mynta, u dei ha Resubelpara.